عن صاحبتى الحلوة اللى مش عارفه إنها حلوة, و بتسألنى -أما أقولها خليكى حلوة- قوليلى أبقى حلوة إزى ؟!
طب هو الحلو اللى أصلًا حلو إزاى يبقى حلو زيادة؟!
و إزاى ممكن الناس التانية تقوله إزاى يبقى حلو و هم أصلًا شايفينه حلو بزيادة ؟!
عن دعاء اللى كل كلمة بتقولها حقيقية و من جوه جوه القلب الحلو.
عن دعاء اللى مش بتعرف تخبى أو تكدب.
عن دعاء و أوضتها اللى بنرّوقها سوا أما أروح لها و مامتها تفضل تقول "حد يستقبل ضيوفه و أوضته مكركبة؟"
و نبص لبعض و نبصلها.
دعاء تقول "شروق أصلًا مش ضيوف", و أغمز لها و أقول لطنت "معلش يا طنت" و آخد دعاء و ندخل الأوضة, الأوضة حلوة يعنى..
نروّقها سوا و طنت تيجى تقول "حد يخلى ضيوفه يروقوله أوضته؟" و نبص لبعض و نبصلها.
دعاء تقول "ياماما, قولت لك, شروق مش ضيوف" و أغمز لها و أقول لطنت "معلش يا طنت".
عن دعاء اللى فاكره إنها مش حلوة, و هى حلوة.
عن دعاء و كُتَبها.
عن دعاء و طموحها.
عن طريقة تفكيرها, عن ضحكتها !
...
دعاء..
أنا أما بقولك "خليكى حلوة" بيبقى قصدى "خليكى إنتى"
و ده كفاية أوى على فكرة.
ربنا بيحبك :)
...
دعاء..
أنا أما بقولك "خليكى حلوة" بيبقى قصدى "خليكى إنتى"
و ده كفاية أوى على فكرة.
ربنا بيحبك :)
ليست هناك تعليقات:
إرسال تعليق